في إطار اللهم كثر حسادنا
المغرب بلد جميل اعتنى ببنيته التحتية فهاد ال 15 سنة الفايتة وبدا كي صعد سلم التقدم درجة درجة
باقي فالدرجات الاولى لكن هدا يحسب له لا عليه ولكن مازال موصل لموضع لي يحسد عليه باقي التخلف باقين عوائق مزال مقد يلقا الخلل ديالها منين جاي و هده فحد ذاتها مشكل
البنية التحتية لقات اهتمام ملحوظ الشكر للناس القائمين على هاد العمل ولاكن دائماً نرجعو لكلمة الاستثناء لكن هاد البنية التحتية خاصها العنصر البشري لي باقي ماقادش يتواكب معاها من المفروض تقاد البنية العقلية اولاً كيف دارت اليابان اهتمت بفكر مجتمع على قدو وكمثال قامو بتدريس اجيال فاماكن خربة أماكن كلها دمار فينها البنية التحتية هنا!!!!! راها قائمة تترسخ فعقول أجيال قادمة و قادمة بقوة اجيال قادرة تبني و تبدع اجيال جعلت دابا من اليابان كوكب منعزل عن الارض لا دولة كباقي الدول هنا فين كيبان بلي الدور ديالهم تلعب بكل إتقان
والمستفاد من هاد الكلام بلي حنا ولي سبقونا ولي جايين من بعد منا تظلمنا بمنظومات تعليمية فاشلة ماوصلاتنا لفين وباقا مابغات تعيق براسها وتقاد
0 comments:
Post a Comment